Роналдо го постигна 900. гол во кариерата и емотивно го прослави (Видео)

Кристијано Роналдо пишува фудбалска историја и на залезот на својата кариера, а вечерва ја исполни целта која си ја постави за својот голгетерски рекорд пред извесно време.

Португалецот пред неколку месеци посочи дека негова прва важна цел до крајот на годината ќе биде да стигне до бројката од 900. гола во кариерата, нешто што успеа да го комплетира веќе оваа вечер.

Португалија на домашен терен ја пречека Хрватска во Лигата на нации и по првото полувреме води 2:1, а еден од двата гола на домаќините беше дело на Роналдо.

Кристијано мирно дочека еден центаршут од левата страна и прецизно стрелеше во свој карактеристичен стил, што во тој момент донесе предност од 2:0.

Роналдо не ги криеше емоциите и со солзи радосници го прослави јубилејниот гол во кариерата, откако претходно Дало го отвори резултатот.

Интересно, истиот играч си постигна автогол во продолжение, па на пауза се замина со резултат 2:1.

Видеото погледнете го ТУКА