Роналдо го одведе Јувентус до рутинска победа против Кротоне (Видео)

Кристијано Роналдо набрзина постигна два гола со глава во првото полувреме и ја најави победата на Јувентус во дуелот со Кротоне (3:0) од Серија А.

Фаворитот очекувано доминираше во Торино, а покрај поспориот старт, притисна во вториот дел од првото полувреме и успеа да го отвори резултатот.

Асистенцијата на Сандро му овозможи на Роналдо во 38. минута да го доведе Јувентус во водство, а истиот фудбалер, овој пат на нафрлување на Ремзи успеа со глава да зголеми на 2:0 на почетокот на судиското продолжување.

Кротоне се обиде да направи нешто повеќе пред голот на Буфон, но наместо тоа, на спротивната страна МекКени реализираше за Јувентус и комплетно го откажа гостинскиот тим.

Јувентус не успеа да зголеми до крајот, а со оваа победа се најде на третото место, со осум бодови заостанување зад Интер, кој има и натпревар повеќе. Кротоне ја задржува улогата на фенерџија откако досега освои 12 бодови.