Роналдо е инспирација за Кејн: Кога го гледам…

Хари Кејн вечерва треба да го одигра својот 100 јубилеен натпревар во дресот на англиската репрезентација и тоа против Финска во рамките на Лигата на нации.

Оваа средба е закажана за 20:45 часот на „Вембли“, а пред истата Кејн го издвои Кристијано Роналдо поточно посочи дека тој му е инспирација уште долго време да настапува за националниот тим, клупско ниво и да постигнува успеси иако ако се погледне неговата соба со трофеи истата се уште е празна иако неговите индивидуални бројки се фантастични.

-Се чувствувам во навистина добра форма, физички и психички, на врвот во кариерата. Гледајќи ги другите играчи, Роналдо го постигнува својот 901 гол, гледајќи го како се натпреварува на 39 години, ме инспирира да играм што е можно подолго.

-Ја сакам оваа игра, сакам да ја претставувам Англија – повеќе од сè и не сакам да заврши наскоро За мене, лично, сега е да продолжам да се подобрувам и да бидам постојан и во дресот на Англија и на клупско ниво. Јас сум гладен за повеќе. Решен сум да продолжам да ги поместувам границите, -порача голгетерот на Баерн Минхен.