Роналдо: Ако јас бев сопственик на Јунајтед…

Кристијано Роналдо во два мандати беше дел од англискиот великан Манчестер Јунајтед со таа разлика што во првиот период се вивна во фудбалските восочини, се промовираше и етаблираше на големата сцена, односно имаше многу значајна улога во успесите од 2003 до 2009 година.

Втората епизода на „Олд Трафорд“ не помина како што очекуваше, па дури и тој не помогна клубот да се врати на победнички патеки, меѓутоа согледа некои работи за кои и денеска зборува, проблеми за кои смета дека би ги решил ако би бил сопственик на премиерлигашот.

-Премиер лигата е најтешката лига на светот. Сите тимови се добри, сите тимови се борат, сите тимови трчаат, сите играчи се силни. Фудбалот е поинаков во моментов. Веќе нема лесни натпревари. Ова го кажав пред една и пол година и ќе продолжам да го кажам: Проблемот не е во тренерите. Тоа е како аквариум. Ако ја имаш рибата внатре и е болна и ја извадиш и го решиш проблемот и пак ја ставиш во аквариум пак ќе се разболат.

-Ист е проблемот на Манчестер Јунајтед. Проблемот не е секогаш тренерот. Тоа е многу повеќе од тоа. Ако бидам сопственик на клубот, ќе ги разјаснам работите и ќе го прилагодам она што мислам дека е лошо таму, -истакна Роналдо кој порача дека има поставено цел еден ден да биде газда на голем клуб.