Роналдињо со мајсторски гол го одбележа дуелот на ветераните на Барселона и Реал (Видео)

Легендите на Барселона и Реал Мадрид денеска одиграа ветеранско „Ел Класико“ во Катар, а спектаклот донесе четири погодоци и победа на пенали за каталонскиот тим.

Головите за Барса ги постигнале Сорин и Роналдињо, додека за Реал Мадрид погодиле Фиго и Конго, а во изведувањето пенали подобри биле фудбалерите во „сино-црвена“ комбинација.

Голманот на Барселона ги одбранил ударите на Конго и Амависка, за конечни 4:2 во пенал рулетот.

Она што го одбележа дуелот е магијата на Роналдињо, откако Бразилецот рутински реализираше од слободен удар, а неговиот погодок стана вирален меѓу фудбалските фанови.

Ronaldinho with a free kick goal today in a legends match against Real Madrid!

Still has that magic 🎩 pic.twitter.com/qwNdeuB4Sj

— Brasil Football 🇧🇷 (@BrasilEdition) November 28, 2024

Стартни состави за двете екипи:

Барселона: Баија, Наваро, Ф. де Бур, Абидал, Сорин, Трашорас, Мендиета, Жили, Ривалдо, Роналдињо, Вилја

Реал Мадрид: Бујо, Нуњез, Павон, Санц, Браво, Мила, Седорф, Фиго, Савио, Амависка, Конго