Роналдињо е среќен поради Меси: Тоа му недостасуваше…

Роналдињо е еден од асовите кој имаше клучна улога во сениорските почетоци на Лионел Меси, човек кој му ја отвори вратата воо Барселона и му овозможи да влезе во системот,„машината“, а се понатаму веќе е историја.

Бразилецот до ден денеска е добар пријател со Аргентинецот, многу го почитува и секогаш со убави зборови, комплиментии зборува за него. Токму самиот Роналдињо му се израдува на успехот на Меси со Аргентина иако знаеме какво е ривалствотоо меѓу овие две јужноамерикански држави.

-Многу сум среќен поради неговиот триумф на СП. Тоа му недостасуваше. Вистината е дека никој не го замислуваше надвор од Барса, но работите се случуваат во фудбалот. Сега тој мора да продолжи, -рече Роналдињо на настанот на „Мундо Депортиво“.

Волшебникот од Порто Алегре воедно имаше што да каже и за Рафиња кој полека, но сигурно почнува да игра на посакуваното ниво во оваа календарска година.

-Тој е одличен играч. Јас добро го познавам, уште кога беше мал. Сигурен сум дека работите ќе излезат добро за него во Барса од сега па натаму, -заклучи Рони.