Поврзете се со нас

Шпанија

Ромеро со криминален старт го собра Мбапе, па потоа го шокираше Реал со гол за победа (Видео)

Објавено

на

Foto:x.com/realmadrid

Карлос Ромеро во секоја смисла на зборот го одбележа денешниот натпревар меѓу Еспањол и Реал Мадрид, бидејќи во 61-та минута му беше прогледано низ прсти и не доби директен црвен картон, за потоа да испадне херој во неверојатната и неочекувана победа на тимот од Барселона.

Левиот бек на Еспањол со криминален старт од зад грб го собори Килијан Мбапе и навистина несфатливо е како не доби исклучување, но откако беше поштеден од судијата кој покажа само жолт картон, во продолжение судбината посака да биде и човекот кој му пресуди на „кралскиот клуб“.

Гостувањето во Барселона на хартија требаше да претставува чиста рутина за избраниците на Карло Анчелоти, но наместо тоа, се претвори во гостување во кои губат важни бодови во битката за титулата.

Реал се мачеше во текот на целиот меч, а кога фрли се на една карта по победа, дозволи контра на домашниот тим по која Ромеро беше доволно прибран за да погоди за 1:0.

Погодокот во 85-та минута беше студен туш за актуелниот шпански шампион, кој до крајот не создаде ниту една стопроцентна шанса за израмнување, по што мораше да се помири со пораз, прв после два месеци во Ла Лига.

Стартот на Ромеро над Мбапе погледнете го ТУКА 

Голот за победа погледнете го ТУКА 

Advertisement
Advertisement

Италија

Advertisement

Популарни