Ромарио го избра омилениот играч од тимот на Ханси Флик и порача: Оваа сезона ја освојуваме титулата

Бразилците играа голема улога во тимот на Барселона низ историјата, а еден од најлегендарните е Ромарио кој беше незадржлив како член на каталонскииот гигант во последната деценија од минатиот век.

Бразилскиот голгетер играше со леснотија и на едноставен начин ги матираше противничките голмани, па како фудбалер кој е во позитивно сеќавање кај сите фанови на Барса, сега дава интересна прогноза за тимот на Ханси Флик.

Ромарио го избра својот омилен играч од актуелниот тим и без размислување го посочи името на својот сонародник, но даде и храбра прогноза за епилогот во шпанската Ла Лига.

– Рафиња е еден од најдобрите играчи во овој момент, еден од најдобрите во светот. Игра многу добро во дресот на Барселона, но истото важи и кога го облекува бразилскиот дрес. Рафиња е гордост за сите Бразилци и сигурен сум дека ќе ни донесе многу радости во иднина.

– Во последните години не гледам многу гудбал, но кога се зборува за Барселона, јас секогаш сум внимателен. Барселона сега има одличен тим со Ханси Флик. Победија на многу добри натпревари и се игра одличен фудбал. Оваа сезона ќе бидеме шампиони, – сигурен е Ромарио.