Рома закажала лекарски прегледи за засилување од Бундеслигата

Рома планира да го засили тимот со кој ќе настапува и во Лига Европа, а раководството веќе му обезбедило едно ново име на тренерот Жозе Мурињо.

„Кориере дело Спорт“ денеска објави дека спортскиот директор Тиаго Пинто веќе има постигнат договор со Еван Н’Дика и дефанзивецот ќе пристигне како слободен агент.

Рома имаше голема конкуренција за потписот на досегашниот член на Ајнтрахт, но Н’Дика се одлучил да соработува со Мурињо и ќе биде големо засилување за наредната сезона.

Италијанскиот медиум тврди дека Пинто веќе резервирал термин за медицински прегледи и тие се закажани за 15. јуни, по што ќе биде официјализиран трансферот, а Н’Дика ќе се приклучи уште на стартот на подготовките за следната сезона.

Фудбалерот ќе добие 2 милиони евра по сезона наредните пет години, а Рома ќе му одреди и покачување на платата при евентуален пласман во Лигата на шампионите.

✅#NDicka alla #Roma, le visite sono già prenotate: c’è la data🗓️ https://t.co/LXM9EVKiy6

— Corriere dello Sport (@CorSport) June 9, 2023