Рома се засили со поранешен играч на Реал и Атлетико Мадрид

Италијанскиот прволигаш Рома и официјално ги засили своите редови со играчот кој ова лето се поврзуваше со повеќе клубови од Топ 5 лигите во Европа-тоа е 29-годишниот Марио Ермосо.

Ермосо е продукт на школата на Реал Мадрид, ама тој никогаш не стигна до првата екипа по што преку Валјадолид и Еспањол дојде до Атлетико Мадрид каде настапуваше пет години.

Во месец јуни му истече договорот и како слободен агент можеше да ја избере новата средина за да на крајот се одлучи за Рома во која го избра дресот со бројот 22.

Може да игра како стопер, но и како лев бек што дефинитивно му дава повеќе опции на тренерот Даниеле Де Роси.

Договорот е на три години, играчот ќе заработува по 3,5 милиони евра по сезона.