Рома го разби тимот на Секулов за четвртфинале во Купот на Италија (ВИДЕО)

Тимот на Рома лесно се справи со Сампдорија во осминафиналето на Купот на Италија.

Клубот од Рим важеше за голем фаворит, статус кој го потврди на теренот на „Олимпико“ со славје од 4-1. Домаќините веќе по 24 водеа со 3-0 и тука веќе стана јасно кој е кој на овојј натпревар.

Украинецот Довбик реализираше двапати, потоа погоди и Балданци, додека во вториот дел стрелаше и Шомурудов. На спротивната страна автор на единствениот погодок беше Јепес.

Инаку за клубот од Џенова настапи и некогашниот македонски талент кој потоа се реши да настапува за Италија, Никола Секулов. Офанзивецот беше активен од 69 минута.

Милан е наредниот проотивник за „волчицата“ во ова натпреварување.