Рома го искористи фуриозниот почеток за победа во градското дерби (ВИДЕО)

Рома го искористи одличниот старт на градското дерби со Лацио и успеа да ја обезбеди победата уште во првите дваесет минути од натпреварот.

Домаќините влегоа помотивирани и проактивни во дербито и по првичната иницијатива, во 10. минута капитенот Пелегрини реализираше мајсторски за почетна предност на „волчицата“.

Додека Лацио уште беше во шок од раната предност на противникот, Дибала поведе контра на Рома, го проигра Салемакерс, а Белгиецот реализираше од втора, откако првиот удар му беше одбранет од Проведел.

Во продолжение „бјанкоцелестите“ имаа обиди да се вратат во натпреварот, шанси пропушти и Рома, но „волчицата“ издржа и во последните петнаесет минути во кои доминираше противникот.

Лацио останува на четвртото место со 35 бодови, додека градскиот ривал сега заостанува дванаесет бодови и е на десеттото место во Серија А.