Рома доцна се разбуди и претрпе историски пораз, магијата на Кварацхелија го израдува Конте (Видео)

Рома разочара во првото коло против Калјари во меч кој заврши 0:0, но навивачите на римскиот клуб доживеаја уште понепријатно изненадување во втората рунда.

Многумина запишаа шест бода на контото со оглед на тоа што Рома играше со Калјари и Емполи на стартот на сезоната, но наместо тоа, избраниците на Даниеле Де Роси освоија само еден.

„Волчицата“ денеска спиеше цели 60 минути и беше целосно индолентна во пресметката со Емполи, тим кој знаеше како да ги казни грешките и да поведе со 0:2.

Головите на Гјаси и Коломбо од пенал направија работите да бидат ужасно тешки за фудбалерите од домашниот тим, па иако имаше завршен налет, се чини дека Рома предоцна се разбуди.

Шомуродов постигна гол за 1:2 и внесе голема неизвесност во последните 10 минути, па иако Рома беше блиску и до израмнување, стативата не дозволи гол на Дибала за 2:2. На крајот, играчите на Рома добија свирежи од навивачите, додека Емполи оствари историска победа, бидејќи за првпат од постоењето победи на „Олимпико“ во Серија А.

На вториот меч во истиот термин, Антонио Конте се израдува на првата победа како тренер на Наполи, пред се благодарение на инспирацијата која ја имаше Квича Кварацхелија.

Грузиецот режираше магија и со маестрална асистенција го пронајде Ди Лоренцо за предност од 1:0, а потоа ја зема топката од средината на теренот и со доста среќа постигна гол за 2:0. Во самата завршница, Симеоне ги постави конечните 3:0.

Видеото погледнете го ТУКА