Рој Кин со порака до Конте: Му го убивте погледот кој наликуваше на тигар, пуштете го детето да си оди!

Рој Кин беше задолжен да го коментира големото дерби меѓу Челси и Тотенхем на „Стемфорд Бриџ“, но покрај тоа што заклучи дека домаќинот бил за неколку класи подобар денеска, не пропушти да испрати порака до Антонио Конте и раководството на „петлите“.

Легендата на Манчестер Јунајтед не може да се помири со ситуацијата на еден од најдобрите играчи на Тотенхем до пред само две години, играчот кој беше и редовен репрезентативец со Англија во времето кога беше лидер на Тотенхем заедно со Хари Кејн.

Деле Али забележа драматичен пад по пристигнувањето на Мурињо и тоа продолжи со Нуно Санто и Конте, па поради тоа, Рој Кин смета дека е вистинско време тој да си оди, и ако може тоа да го направи до крајот на зимскиот преоден рок.

Играчот за врска беше надвор од протоколот за денешното дерби поради техничка одлука, а бидејќи има само 25 години, Кин потенцира дека тој нема време за губење.

– Детето го загуби погледот кој наликуваше на тигар и кога ќе се случи тоа, мора да го пуштите детето да си замине. Очигледно е дека времето на Али во Тотенхем е завршено, скршна од патот и се изгуби. Треба да бидат добри со детето и да го пуштат да си оди. Тоа е природата на фудбалот, – вели Кин.