Рохас со спектакуларен скок до нов светски рекорд на СП во Белград (Видео)

Јулимар Рохас постави нов светски рекорд во атлетската дисциплина трискок, остварувајќи го најважниот резултат на актуелното Светското првенство во сала, кое се одржува во Белград.

Атлетичарката од Венецуела денеска во шестата серија од финалето скокнала фантастични 15,74 метри, што е за 31 сантиметри подолг скок од досегашниот рекорд.

Рохас и севкупно го има најдобриот резултат, бидејќи светскиот рекорд на отворено изнесува 15,67 метри.

За тоа колку доминира Јужноамериканката во својата дисциплина, говори и фактот што освојувачката на сребрен медал, Украинката Марина Романчук скокнала еден метар пократко.

15.74 @TeamRojas45 tenemos demasiada suerte de vivir este momento, tener a Yulimar Rojas. Por favor!!!! pic.twitter.com/AoYjXZw5ou

— Juan José Sayago (@jjsayago) March 20, 2022