Родриго за сонародникот: Тој не е повеќе Ендрик…

Реал Мадрид не беше претерано активен во летниот преоден рок, но ја освежи екипата и едно од тие имиња кои треба да донесе нова енергија е Ендрик.

Талентираниот Бразилец од претходно беше договорен, ама сега се исполните условите тој да добие шанса во Реал, шанса на најголемата сцена и тоа во клуб во кој конкренцијата во офанзивната линија е навистина голема и сериозна.

Меѓу таа конкуренција дефинитивно е Родриго Гоеш кој веќе е тука неколку години, добро знае што се бара, каков е притисокот и што треба да се направи за да се биде успешен во Мадрид. Тој сигурно ќе му помогне на Ендрик побрзо да се прилагоди во новата средина, средина во која веќе доби нов прекар Боби и тоа по легендарниот Боби Чарлтон за кого кажа дека му е еден од идолите.

-Сега е Боби. Тој повеќе не е Ендрик. Тој е фатен на таа шега. Приемот што го имаше таму (во Реал Мадрид) е добар, не само од Бразилците. Имаме многу добра група во Реал, а со него не е ништо поразлично. Го знаеме неговиот квалитет и како може да ни помогне. Тој стана Боби, тоа е тоа. Лесно се справува. Ништо не може да направи, ако се налути е полошо, –откри Родриго за „ЕСПН“.