Родриго: Тој е нашата ѕвезда, без него не можеме да го освоиме СП

Бразил веќе долго време е без пехар на мундијалите, поточно од 2002 година од генерацијата на Роналдо, Ривалдо, Роналдињо…што говори дека оваа селекција е во криза иако има доста познати, квалитетни имиња кои играат во најсилните лиги на светот.

„Кариоките“ се надеваат дека оваа ситуација ќе се промени и дека 2026 ќе биде нивна година со тоа што допрва треба да го обезбедат билетот за тој настан. Родриго е еден од најважните играчи во сегашниот тим, но според него тие без Нејмар кој веќе долго време е повреден ќе нема што да бараат на СП, поточно смета дека со него можат полесно да дојдат до посакуваниот резултат.

-Немам зборови. Секој може да види, јасно е колку многу недостасува. Тој е нашата ѕвезда, нашиот најдобар играч. За да се освои Светско првенство, секој треба да биде добро за да му помогне. Ако е добро, на што се надеваме, тој е во последната фаза од закрепнувањето.

-Сакаме да се врати што е можно поскоро. Секогаш разменувам пораки со него, тој сега се враќа на тренинзите со групата. Тој е одличен партнер. Се чувствувам тажно кога гледам дека некој зборува лошо за него, поради личноста што е. Секогаш ми праќа пораки, ми помага, го сакам. Покрај тоа што е мој идол како играч, тој како човек се покажа како фантастична личност, -порача Родриго.

Неј има 32 години и мундијалот за две години може да биде и последен во неговата кариера.