Родриго стави крај на ужасната серија на Бразил и прослави со многу емоции (Видео)

Бразил дефинитивно не изгледа на моќна фудбалска сила во последната деценија и е далеку од тимот кој важеше за најдобар во светот, па серијата од три порази во квалификациите за Светското првенство ги донесе „кариоките“ да бркаат победа против Еквадор по секоја цена.

Бразилците се далеку од времињата кога постигнуваа голови со леснотија и речиси на секој меч се мачат да го отворат противникот, но рано утрово успеаја брзо да го пронајдат патот до голот, и тоа благодарение на Родриго.

Ѕвездата на Реал Мадрид се понуди на 20-тина метри од голот и со доза на голема среќа ја погоди противничката мрежа, момент кој донесе големо олеснување за него, но и за сите присутни на трибините.

Бразил влезе во овој меч со катастрофална серија од три порази во низа во квалификациите за мундијалот, па трите освоени бода се круцијални за напредок кон местата кои носат директен пласман на Светското првенство.

На другите натпревари во Јужна Америка, Уругвај и Парагвај одиграа здодевен меч кој заврши 0:0, а реми одиграа и Перу и Колумбија (1:1).

a comemoração do Rodrygo o gol, ele sabe o peso dessa camisa! pic.twitter.com/Z9PCzciIne

— Rodrygodepre ▫️ (@rodrygodepre) September 7, 2024