Родриго не доби номинација за „Златната топка“, одлуката ја искоментира на социјалните мрежи

Голем број фудбалери на Реал Мадрид се меѓу номинираните во изборот за престижната награда „Златна топка“, но на списокот од 30 играчи немаше место за Родриго.

Крилниот напаѓач на актуелниот европски шампион очигледно е сериозно разочаран од изборот на номинирани и преку социјалните мрежи испрати порака за ваквото сценарио.

Родриго објавил колаж од шест фотографии, на кои преовладуваат трофеите кои ги освои со Реал, но и емотиконите со кои покажува дека е зачуден од одлуката да не биде вметнат меѓу кандидатите за признанието.

Минатата сезона Родриго имаше 51 настап за Реал и постигна 17 голови, освојувајќи ги трофеите во Супер купот, Ла Лига и Лигата на шампионите.

На списокот номинирани за „Златна топка“ се најдоа Белингам, Винисиус, Ридигер, Карвахал, Крос и Мбапе, кој летово пристигна од ПСЖ во Реал Мадрид.