Родриго ја промовираше својата нова прослава и во ЛШ, па го објасни значењето (Видео)

Родриго со два погодоци го трасираше патот кон нова победа за Реал Мадрид во Лигата на шампиони, но покрај блесокот во првото полувреме, Бразилецот привлече внимание и со својата прослава.

Од крајот на 2024-та година, Родриго повторува една иста реакција кога постигнува голови, а сега дочека новата прослава да ја промовира и во Лигата на шампиони.

Стрелецот на два гола против Салцбург беше расположен за давање изјави по триумфот од 5:1, па на присутните новинари им открил дека негова инспирација бил Џон Цена.

– Оваа прослава е инспирирана од Џон Цена, мојот идол од детството. Сите ми велеа дека треба да креирам прослава по која ќе бидам препознатлив, па сега се решив за оваа прослава, – изјави Родриго.

Опуштеното издание на Родриго доаѓа после најдобриот период за него од стартот на сезоната, бидејќи напаѓачот на Реал влезе во посакуван ритам и постигна пет голови на последните пет натпревари кои ги одигра за првиот тим.

Rodrygo hit the John Cena 'You Can't See Me' celebration 🖐️ pic.twitter.com/5Acwpy96Wd

— B/R Football (@brfootball) January 22, 2025

🤼‍♂️Rodrygo reconoce que su celebración ante el RB Salzburgo fue en homenaje a John Cena

"Tenía que crearme una celebración y él fue uno de los ídolos de mi infancia", afirmó tras el partido de Champions

📲 @jdelriomuradas pic.twitter.com/0H0i57v3sc

— MARCA (@marca) January 22, 2025