Родри за прославата на „Златната топка“ и „поздравот“ за Винисиус Жуниор: Луѓето мора да разберат…(ВИДЕО)

Шпанскиот репрезентативец и воедно член на англискиот прволигаш Манчестер Сити, Родри го доби признанието за најдобар фудбалер за 2024 година, најпрестижната индивидуална награда во светот на фудбалот „Златната топка“.

Родри за нијанса беше подобар од Винисиус Жуниор од Реал Мадрид, поточно конечните резултати покажаа дека ја добил битката за 41 поен.

Ова за фудбалерот за врска дефинитивно беше посебен момент, момент кој ќе го памети до крајот на животот, па од прославата излезе едно видео во кое во ритамот на „Bella Ciao“ беше „поздравен“ и Винисиус, поточно наместо оригиналот беше пеено Винисис…чао,чао, чао…

Токму ова предизвика внимание, па Родри за „Кадена Копе“ даде кратко објансување:

-Луѓето мора да сфатат дека тоа е здраво ривалство, тоа е приватна забава. Ако ставиме камера во секоја наша куќа… јас не искажав непочитување кон никого, тоа е само уште едно ривалство. Имам почит кон Винисиус, -порача Шпанецот.

🔥 ¡RODRI SE ACUERDA DE VINICIUS celebrando el BALÓN DE ORO!

👀 El Manchester City sube… y borra un vídeo del mediocentro festejando su galardón.

‼️ '¡Vini ciao, Vini ciao, ciao, ciao!' pic.twitter.com/HOjd86eQ9K

— El Chiringuito TV (@elchiringuitotv) October 29, 2024