Родри за незаборавниот потег на Сити во Париз: Ковачиќ ми откри дека не доживеал такво нешто во Мадрид

Родри ја остава зад себе најуспешната година во својата кариера на индивидуално ниво, бидејќи покрај тоа што стана англиски шампион со Манчестер Сити и европски шампион со Шпанија, фантастичниот играч за врска ја доби и „Златната топка“.

После повеќе од шест децении, најпрестижното фудбалско признание заврши во рацете на еден Шпанец, а Родри открива дека забавата која му ја организирала Манчестер Сити како клуб по гала вечерта во Париз ќе ја памети до крајот на животот.

Родри стана првиот Шпанец по Луис Мирамонтес кој ја добил „Златната топка“ од далечната 1960-та година, па забавата била до толку луда, што Ковачиќ му се исповедал и му кажал дека не доживеал нешто слично во Реал Мадрид.

– Љубовта која ја добив по „Златната топка“ беше навистина брутална. Зборував за тоа и со Ковачиќ, играч кој имал за соиграчи фудбалери кои освојувале „Златна топка“. Доживеал многу такви забави во Мадрид, но ми кажа дека никогаш не доживеал нешто слично како прославата која ја организираше Манчестер Сити.

– Речиси никаде во светот не се добива треман како во Манчестер Сити, вечно ќе бидам благодарен за тоа што го направија, вечно ќе го паметам тоа, – открива Родри во интервјуто за „АС“, во кое обелоденува и од кој играч прв побара совет по тешката повреда на коленото.

– Зборував со Асенсио, тој имаше исто искуство и му поставив неколку прашања. Тој е од мојата генерација, му побарав совет за тоа како да се справував и навистина многу ме смири разговорот со него, – обелоденува Родри.