Родри: Тој е единствен фудбалер кој може да им се доближи на Меси и Роналдо

Родригез Ернандес Касканте или попознат само како Родри или Родриго во изминатиов период често е во фокусот на вниманието, а причината за тоа е освената „Златна топка“.

Тој беше прогласен за најдобар фудбалер на светот на свечана церемонија во Париз добивајќи ја битката со Винисиус Жуниор кој едноставно за поголем дел од јавноста важеше за прв фаворит за ова признание. Меѓутоа на крајот „стручното жири“ му додели повеќе гласови на Шпанецот за да сега истиот добие поголемо медиумско внимание сосема заслужено по се што направи во претходната години/години со Манчестер Сити и националниот.

Играчот за врска одработи интервју за „Копе“ каде отворено говореше на доста прашања, теми, а меѓу нив беше и за Ерлинг Халанд за кого смета дека е единствениот ас кој реално може да им се доближи на легендарниот Лионел Меси и Кристијано Роналдо.

-Најопасен човек во светот според бројките е Халанд. Тој е единствен фудбалер кој може да им се доближи на Роналдо и Меси. Многу е млад и ќе биде успешен уште многу години, -порача Родри.