Родри со совет за Винисиус: Треба да се концентрира на она што се случува на теренот

Шпанскиот репрезентативец Родри останува актуелен во шпанските медиуми, кои ги пренесуваат неговите ставови истакнати во последното интервју, а еден од нив е поврзан со Винисиус.

Бразилецот беше негов главен ривал во изборот за „Златна топка“ и заврши на второто место, а Родри му порачал повеќе да се концентрира на она што се случува на теренот, отколку постојано да коментира кон противничките фудбалери и судиите.

– Мислам дека е интелигентно момче и дека со време ќе сфати дека ќе бидат уште подобар ако се концентрира повеќе на случувањата на теренот.

– Како и секој фудбалер, може да напредува на и надвор од теренот, сигурен сум дека ќе добие добри совети, посебно во клуб со вредности како Реал Мадрид.

– Понекогаш и јас добивам искушение да влезам во конфликт, природно ти расте „пулсот“ поради она што се случува на теренот, но треба да запаметиме дека фудбалерите имаат посебна одговорност со своето однесување на и надвор од теренот. Тоа е сегмент на кој секогаш сум посветувал внимание и секогаш ми бил важен, – рекол Родри.