Родри пријавен за настап во ЛШ, извиси едно засилување на Сити

Манчестер Сити го пријавил составот за настап во продолжението од Лигата на шампионите, а на него се нашол и Родри.

Шпанскиот репрезентативец е во процес на рехабилитација по тешката повреда на лигаментите на коленото, но очигледно Пеп Гвардиола е оптимист дека може да се врати во текот на сезоната, под услов Сити да се најде во завршните фази.

Пријавени за настап се и трите нови засилувања, Нико Гонзалес, Омар Мармуш и Абдукодир Хусанов, а извиси само Витор Реиш.

Предност за англискиот првак е што може да ги пријави Оскар Боб и Нико Луис преку Б листата и тие ќе бидат во комбинација за настап.

Голмани: Едерсон, Ортега, Карсон
Одбрана: Аканџи, Аке, Диаш, Стоунс, Хусанов, Гвардиол
Среден ред: Нико, Гундоган, Грилиш, Де Брујне, Бернардо, Родри, Ковачиќ, Нуњес, МекАти, Фоуден, Доку, Савињо
Напад: Халанд, Мармуш

Б листа: Боб, Луис, О’Рајли, Алејн