Родри: Немам дилеми кој е најдобар играч во историјата

Родри ја освои „Златната топка“ на крајот на минатиот месец и ги поништи сите претпоставки на дел од светските медиуми, кој некое време наназад го најавуваа Винисиус Жуниор како добитник на највредното индивидуално признание.

Сепак, во самата завршница од гласањето дојде до пресврт и Родри со мала разлика за избори за првото место, што направи да биде само вториот Шпанецот во историјата која ја добива „Златната топка“.

Историскиот момент направи Родри да добие награда која не ја добија едни неверојатни играчи како Иниеста и Чави, но фудбалерот на Манчестер Сити е свесен дека тие биле многу подобри од него.

– Шпанија подолго време имаше историски фудбалски моменти, а тоа што имавме само една „Златна топка“ во историјата беше чудно. Имаше многу подобри играчи од мене кои не ја имаат оваа награда во својот дом. Но, тоа е така поради фактот што се натпреваруваа со Меси и Роналдо, двајца марсовци.

– За мене, Меси е најдобар играч во историјата на фудбалот, немам сомнежи во тоа. Кристијано со напорна работа успеа да биде рамноправен, го нема тој недопрен талент. Ние кои сме играле против нив, веднаш ја утврдуваме разликата. Меси беше клучен на сите делови од теренот, Роналдо во шеснаесетникот. Со Меси знаете дека нешто може да се случи на секоја страна од теренот, – вели Родри за „Ел Ормигеро“.