Родри ги подбра ѕвездите на Реал: Јас не би постапил како нив!

Родри ја доби најголемата индивидуална награда на свечената церемонија која се одржа во Париз на крајот на минатиот месец, но додека нему му беше доделена „Златната топка“, ѕвездите на Реал Мадрид одлучија да го бојкотираат настанот и да не му честитаат на шпанскиот репрезентативец.

Реал Мадрид како клуб доби огромни критики за лошиот пример кој го остави за фудаблската заедница, а забелешки за „кралевите“ има и новиот добитник на најценетото признание.

Во ексклузивното интервју за „Франс Фудбал“, Родри нагласи дека никогаш не би постапил како Винисиус, Белингам и Карвахал, тројца фудбалери кои завршија зад него во конечниот поредок за „Златната топка“.

– Кога добивате признанија на највисоко можно ниво, добро е да пристигнете на еден таков чин, без разлика дали победувате, или не. Во фудбалот е многу важно да знаете да победувате, но и да губите. Настанот за „Златната топка“ беше како свеж воздух за мене после тешката повреда.

– Отсуството на Винисиус и останатите од Реал? Нависитна не знам што да кажам. Јас сакав сите да бидат присутни на настанот и така ќе беше подобро. Вториот, третиот и четвртиот не беа на настанот. Мора да се почитува и таква одлука, но јас сигурно не би постапил како нив, – потенцира Родри.