Родик застана зад Ѓоковиќ: Ако тоа не го цените, тогаш засекогаш…

Новак Ѓоковиќ го оствари големиот сон и дојде до златото на Олимписките Игри кои се одржаа во Франција.

Србинот одигра фантастичен турнир во кој не загуби ниту еден сет, делуваше мотивирано, фокусирано, па откако дојде до целта проработеа и емоциите.

Тој не можеше да ги сокрие солзите, се тресеше, емоција која дел од фановите не сакаа или не можеа да ја разберат.

-Одамна не сум видел толку емоции кај Новак. Освојувањето на седмиот Вимблдон не предизвика реакција… Телото му се тресеше. Ако не можете да го цените тоа, треба засекогаш да се „пензионирате“ од гледање тенис. Не ми е важен „лајкот“, туку почитта. Ако си навивач кој го прозива Новак на Твитер, тогаш не заслужувате да гледате тенис.

-Ако таа сцена не те допре… Не ми треба да се согласуваш со нечии животни одлуки, туку треба да ја почитуваш големината и да цениш ако некому нешто му значи. Едноставно, таа сцена, одамна не сум го видел толку емотивен, -истакна Енди Родик во неговиот подкаст.