Робертс доби дополнителна казна за кунг-фу стартот над Матета (ВИДЕО)

Членот на Милвол, Лијам Робертс ја дозна казната за бруталниот старт над Жан Филип Матета на пресметката во ФА Купот.

Голманот на Милвол го нокаутираше напаѓачот на Кристал Палас на „Селхрст парк“, потег за кој заслужено заработи директен црвен картон, но потег со кој го испрати Матета во болница и му донесе 25 конци во пределот на увото.

Токму ова е причината за поголемата санкција за Робертс кој наместо три натпревари ќе биде во „аут“ дури шест средби.

Робертс се огласи и порача дека ја прифаќа одговорноста, казната, но и ги отфрли наводите, ставовите на дел од јавноста дека сакал намерно да го повреди Французинот.