Роберто Карлос повлече паралела меѓу Бразилецот Роналдо и Кристијано, Меси и Нејмар

За многумина љубители на фудбалот, легендарниот Бразилец, Луис Назарио де Лима Роналдо е најдобриот играч на сите времиња.

Модерниот фудбал го обележаа две имиња, Кристијано Роналдо и Лионел Меси, но голем дел од фудбалските вљубеници го делат ставот дека тие двајца не се ни блиску од „вистинскиот“ Роналдо.

На такво мислење е и Роберто Карлос, кој имаше среќа да ја дели соблекувалната со еден од најдобрите, ако не и најдобриот фудбалер на сите времиња.

– Роналдо доминираше и на тренинзите, најдобар беше. Никој никогаш нема да биде како него. „Ел Феномено“. Ниту Нејмар, ниту Кристијано, ниту Меси не може да се споредат со него. Тој е уникатен.

– Мислам дека потешко се постигнуваше гол кога игравме ние, дефанзивците беа посилни. Но Роналдо можеше да направи што ќе посака, -изјави Карлос.

Освен во репрезентацијата на Бразил, Роберто Карлос и Роналдо беа соиграчи и во Реал Мадрид.