Робен објасни зошто Гвардиола е најдобриот тренер на светот

Големата холандска ѕвезда, Арјен Робен објасни зошто Пеп Гвардиола е најдобриот тренер на светот.

Овие двајца имаа успешна соработка во Баерн Минхен, односно Робен одблиску и од прва рака можеше да се увери во квалитетите на Гвардиола кој во моментов е на клупата на премиерлигашот Манчестер Сити.

-Го сакам фудбалот, пред се офанзивниот и Пеп е мајстор за тоа. Тој се фокусираше на нападот и целосната контрола на топката. Секако тоа особено ми се допадна. Бевме на иста бранова должина.

-Се погрижи јас да бидам покомплетен играч. За мене, Пеп е најдобриот тренер на светот. Трите години со него во Минхен беа крајно поучни, -вели Робен кој се повлече од фудбалот минатата година.