Ристовски стартер, Динамо „испука петарда“ пред реваншот со Шкупи

Фудбалерите на Динамо Загреб остварија висока победа над Славен Белупо од 5-1 на вечерашниот првенствен меч во Копривница.

Ова беше дуел во кој интересно домаќините имаа одличен почеток и го отворија резултатот уште во 2 минута. Меѓутоа одговорот на актуелниот шампион веднаш стигна и истиот беше моќен, брутален затоа што веќе до 19 минута веќе беше 3-1 за фаворитот со погодоците на  Бутарина, Оршиќ и Дрмиќ.

Во вториот дел гостите од Загреб дадоа уште два погодоци преку Мисиќ и Спикиќ за „петарда“ и идеална најава за реваншот против Шкупи во квалифиакциите за ЛШ, меч закажан за 26 јули од 21 часот.

Кога се во прашање нашите репрезентативеци, Стефан Ристовски беше стартер и ги одигра сите 90 минути, додека Аријан Адеми беше поштеден и остана на клупата за резерви.