Ристовски се огласи и се извини: Секогаш давам се од себе, секој дуел…

Стефан Ристовски имаше чуден меч за Динамо Загреб, меч во кој намести гол, учествуваше во акцијата за вториот, но потоа во рок од седум минути заработи два жолти картони и го остави својот тим со играч помалку на соочувањето со Хајдук, ситуација која гостите на крајот на искористија и се изборија за реми од 2-2.

Ристовски асистираше и заработи црвен картон, Динамо и Хајдук ги поделија бодовите во хрватското дерби (ВИДЕО)

Поранешниот македонски репрезентативец доби критики од навивачите на Динамо, па тој почуствува одговорност и им се извини на социјалните мрежи.

-Сакам да им се извинам на соиграчите и навивачите што заработив исклучување на овој важен натпревар. Секогаш давам се од себе и секој дуел го играм со желба за да му помогнам на тимот. Денеска за жал тоа резултираше со исклучување со кое ја отежнав работата на своите соиграчи. Можам само да се извинам и да ветам дека нема да се предадеме. Додека постои и најмала шанса за одбрана на титулата, нема да се откажеме, -напиша дефенаизвецот.