Ристовски: Горд сум, конечно постигнав гол за победа

Поранешниот македонски репрезентативец, Стефан Ристовски беше херојот на Динамо Загреб во соочувањето со Осијек во првата хрватска лига, пресметка во која дефаинзвецот даде гол во 95 минута за три бода на неговиот тим на ова гостување.

Големиот борец се најде на вистинското место длабоко во судиското продолженија и ја смести топката на вистинското место за многу емоции, радост како негова така и на соиграчите.

-Среќен сум, горд сум на себе, конечно го постигнав победничкиот гол на овој тежок терен, бидејќи Осијек секогаш е добар овде. Драго ми е што верувавме до самиот крај, дека го имаме тој победнички менталитет, така треба да продолжиме, -истакна Ристовски кој имаше што да порача и по провокативното прашање на новинарот дека сега со голот само го потврдил своето место на десната бековска позиција.

-Што знам јас, вие новинарите најдобро знаете, знаете се за мојот трансфер, подобро од мене, јас за ништо не се прашувам, -истакна Стефан.

Гол за ерупција: Ристовски донесе драматична победа за Динамо во 95 минута (ВИДЕО)