Ристовска одлична во „мајсторката“, ЦСКА ја потврди доминацијата во Русија

ЦСКА Москва на македонската репрезентативка Сара Ристовска е нов шампион на Русија и тоа откако го суреди Ростов-Дон во мајсторката за пехарот.

Пред своите гледачи ЦСКА славеше со 35-29 и на тој начин ја потврди доминацијата во рускиот ракомет за оваа сезона со оглед на тоа што претходно триумфираа во Купот, но и во Супер Купот. Домашниот тим имаше фуриозни 30 минути во кои се стекна со предност од 19-13, па потоа беше се полесно за популарните „армејци/армејки“, односно рутински ја одбранија позитивата во вториот дел.

Ристовска имаше добро издание со четири гола од шест обиди, најефикасна беше Михајличенко со седум голови.

Спасибо за великолепную поддержку! ❤️💙 pic.twitter.com/qB8LkOjY3M

— ПГК ЦСКА (@whccska) June 4, 2023