Ристовска и ЦСКА со победа ја отворија финалната серија во Русија

Екипата на ЦСКА Москва за која настапува македонската репрезентативка, Сара Ристовска имаше успешен старт на финалната серија против Ростов Дон во Русија.

Сара и другарките го одбранија домашниот терен со триумф од 32-28 и сега се многу блиску до освојување на лигашкиот трофеј. Ова беше интересен, возбудлив меч во кој ЦСКА го имаше завршниот збор во двете полувремиња, особено во второто кога се решаваше победникот.

Мурзалиева со 6 голови ја преводеше листата на стрелци кај победникот за кого Ристовска имаше три гола од пет обиди. Зеленкова пак со 9 погодоци беше лидер кај Ростов Дон.

Втората средба во ова финале е закажана за 30 мај.