Ристовска и ЦСКА Москва заглавија против Одензе

Составот на ЦСКА Москва за кого настапува репрезентативната Сара Ристовска го претрпе вториот пораз во групната фаза во Лигата на шампионите, пораз од данскиот претставник Одензе (28-21).

Ова беше дуел кој донесе израмнета игра во првите 30 минути (13-14), меѓутоа ситуацијата се промени во вториот дел во кој домашните ракометарки заглавија и долго време не можеа да ја затресат мрежата на противникот. Имено ЦСКА успеа да измрани на 15-15 за да потоа му дозволи на Одензе да направи серија од 9-0 и да дојде до огромна предност која беше сосема доволна за освојување на двата бода.

Бидструп со 8 гола беше најдобра кај победникот, Илина со 6 беше најефикасна кај поразените за кого Ристовска беше автор на еден погодок од три обиди.

ЦСКА Москва со 6 бода е на 5 место во Б групата.