Ристевски: Вардар го почитуваме, но трите бода ќе останат во Битола

Со дуелот Пелистер-Вардар кој е закажан за утре од 15 часот ќе биде отворено 25. коло во Првата македонска фудбалска.

Ова е трета пресметка на овие два клуба во тековнава сезона, двата тима го искористија домашниот терен и остварија две минимални и идентични победи од 1-0.

Желбата и сега е да се оствари позитивен резултат, а во Пелистер веруваат дека со подршка на публиката, навивачката група Чкембари ќе го освојат целиот плен.

-Утре се игра најголемото дерби во македонскиот фудбал Пелистер-вардар, горд сум што го носам дресот на Пелистер и ќе се борам за клубот и за градот. Мотивацијата е на највиско ниво, Вардар максимално го респектираме и почитуваме, но утре одиме на три бода. Утре играме за градот, клубот, навивачите и за нас, -порача дефанзивецот Александар Ристевски.

На овој меч нема да бидат присутни „Комитите“ кои се одлучија на ваков чекор поради трагедијата во Кочани.

Воедно треба да се напомене дека сите средства собрани од билетите на овој меч, ќе бидат донирани за жртвите од трагедијата во Кочани.