Рио за најавеното заминување од Јунајтед: Не ми се допаѓа, сега клубот ќе мора да потроши 40 милиони фунти

Скот МекТоминеј е пред трансфер во Наполи и ќе биде големо освежување во средниот ред на Антонио Конте, трансфер со кој Шкотланѓанецот ќе се стави крај на една долга етапа во Манчестер Јунајтед.

МекТоминеј е фудбалски продукт на Јунајтед и цела своја младинска и професионална кариера ја мина во Манчестер, но сега за првпат ќе се испроба настрана и ќе се обиде да добие посакувана минутажа во тимот на италијанскиот стручњак.

Преговорите меѓу двата клуба се во завршна фаза и операцијата се очекува да биде комплетирана во најскоро време, зделка од која не е баш најимпресиониран легендарниот Рио Фердинанд.

– Не може секој играч да биде ѕвезда и да се издвојува, но Скот МекТоминеј секогаш давал се што имал. За да освоите првенства потребни ви се играчи како О’Шеј, Браун, Флечер, МекТоминеј. Потребен ви е Хулијан Алварез кој го напушти Манчестер Сити.

– Тоа се играчи кои можеби нема да стартуваат на секој меч, но тоа се играчи кои имаат ДНК на клубот кој го бранат. Тоа особено станува збор за играчите од академијата како што е случај со Скот. Навистина не ми се допаѓа неговиот трнасфер, за да се замени Скот, клубот сега ќе мора да потроши околу 30 или 40 милиони фунти, а да подготви и плата од 150 илјади фунти. Нема да биде евтино, а ќе биде коцкање.

– Сега клубот не знае што ќе добие, а со Скот сите знаевме што добиваме. Можеби нема секогаш да дава извонредни партии, но секогаш беше солиден, 7 од 10, а понекогаш и 8 од 10. Што беше најважно, даваше се од себе и знаеше да даде гол, – вели Фердинанд.