Поврзете се со нас

Англија

Рио со совет до Манчестер Јунајтед: Донесете ги овие тројца играчи

Објавено

на

Како што пренесуваат медиумите во Англија, Манчестер Јунајтед ќе биде еден од клубовите кои не се многу погодени од економската криза предизвикана од коронавирусот, па клубот ќе има значителни финансиски средства за трошење.

Во таа насока, од Манчестер Јунајтед можеби и ќе добијат „попуст“ за некои заинтересирани играчи кои претходно чинеа многу повеќе, но сега  клубовите ќе ги ослободат за да ги намалат финансиските загуби.

Дека Манчестер Јунајтед може да ги добие играчите кои ги посакува по поповолна цена пишуваа и медиумите во Шпанија кои пренесоа дека цената на Саул Нигез ќе биде значително помала, па тој ќе може да го напушти Атлетико за сума од околу 80 милиони евра.

Токму Саул е еден од тројцата играчи кои ги бара Рио Фердинанд како засилување за Манчестер Јунајтед во летниот преоден рок.

–  Манчестер Јунајтед треба да ги донесе Санчо, Кулибали и Саул Нигез. Мислам дека не треба да одат по Хари Кејн, јас преферирам офанзивен играч како Санчо кој ти дава имагинација и ќе им донесе нешто што клубот го нема во овој момент.

– Дефинитивно на Санчо би му го дал дресот со број 7, тој е таков тип на карактер. Има ароганција во него, токму тоа е она што го сакаш на фудбалскиот терен. Би му ја дал и би му поставил притисок на неговите рамена, -заклучи Рио.

Реклама
Реклама
Реклама

Популарни