Рио Фердинанд за чудниот статус на Варан во Јунајтед: Секој ден се буди со иста мисла…

Манчестер Јунајтед го совлада Лутон на последниот натпревар пред паузата за настапите на репрезентациите и го намали негативниот притисок од јавноста, но еден од оние кои сериозно ќе размислуваат што се случило изминатиот период е Рафаел Варан.

Французинот не само што го загуби првотимскиот статус во дефанзивната линија на Јунајтед, туку се најде во ситуација да биде зад Хари Мегваер и Џони Еванс во стоперската хиерархија на менаџерот Ерик тен Хаг.

Рио Фердинанд во својот подкаст зборувал на оваа тема и како поранешен стопер потенцирал дека Варан тешко ќе го „свари“ фактот дека е зад Еванс во поредокот.

– Според мене, ако некој седи на клупа, тогаш може да игра, бидејќи истиот играч принудно може да влезе на теренот во било кој дел од средбата. Според ова, Варан е фит, а сепак не игра.

– Не знам која е причината за тоа, но сигурен сум дека Варан секое утро се буди со мисла: Освоив четири титули во Лигата на шампионите, играв со најдобрите во светот, дојдов во Јунајтед и сега Џони Еванс е пред мене.

– Респект за Еванс, но не верувам дека Варан некогаш помислил дека ќе размислува за 36-годишен играч, – изјавил Фердинанд.