Рибери асистираше, Елбер со бразилска магија му одржа лекција на Касилјас (Видео)

Баерн Минхен организираше уникатен турнир на легенди по повод 125-годишнината од постоењето на клубот, па така изминатава вечера „САП Гарден“ арената во Баварија пречека огромен број фудбалски ѕвезди.

На турнирот во кој учествуваа шест клуба како Баерн, Реал Мадрид, Штутгарт, Борусија Дортмунд, Ајакс и Милан, во големото финале се пласираа баварците и „кралевите“, па одлуката за трофејот ја имаа легендите на Баерн и Реал.

Таканаречениот „Бекенбауер Куп“ беше пренесуван на официјалниот јутјуб канал на Баерн и најголемо внимание предизвика големото финале, во кое домаќинот го надигра Реал Мадрид со 4:0.

Џовани Елбер постигна два погодоци, по еден постигнаа Рафиња и Ван Бомел, а задолжен за асистенции беше Франк Рибери.

Французинот запиша две додавања во финалето, но најголемо внимание привлече онаа втората, пред се благодарение на генијалниот потег на Елбер.

Џовани режираше бразилска минијатура на фудбалскиот терен во дуелот со Касилјас и со тоа потсети за каква класа напаѓач станува збор.

RIBERY WITH THAT SILK AND THE ELBER CHIP ON CASILLAS OMG pic.twitter.com/TMY1iuFpTB

— FCBAshy🇵🇸❤️🤍 (@FcbAshy) March 17, 2025

Giovane Élber scores a goal with unlimited aura pic.twitter.com/SgWTFTtNaQ

— Faboian (@Faboian) March 17, 2025