Поврзете се со нас

Македонија

РФМ пресече: Вардар во ЛШ, Еурофарм Пелистер доби предност пред Металург

Објавено

на

На денешниот состанок кој беше одржан во просториите на РФМ, Управниот одбор н а Федерацијата ги одреди патниците за европските купови за наредната натпреварувачка сезона, а тоа го направи такашто го преслика редолседот на табелата од минатата сезона.

Сега и официјално е познато дека сезоната која ја прекина коронавирусот нема да се доигра, но менувањето на форматот во европските натпреварувањата ги натера одговорните луѓе на РФМ да ги именуваат клубовите кои ќе играат во Лигата на шампионите и новоформираната Лига на Европа.

Наш претставник во најелитното натпреварување ќе биде Вардар кој е единствен кој има сигурно место во Лигата на шампионите, додека предност за вајлд-карта ќе добие Еурофарм Пелистер пред Металург. Битолчани имаат огромни амбиции и го докажуваат тоа со ракометарите кои ги ангажираат за наредната сезона, па се надеваат дека ќе добијат специјална покана од ЕХФ за Лигата на шампионите.

Доколку не се случи тоа, Пелистер ќе има директно место во Лига Европа, односно ќе се најде директно во групната фаза на натпреварувањето.

Исто така, и Металург ќе аплицира за вајлд-карта во најелитното натпреварување, но доколку не ја добие, ќе игра едно квалификациско коло пред групната фаза во Лига Европа.

Последна недоумица беше тоа кој тим ќе се прогласи како петтопласиран, а изборот падна на Бутел кој ќе има шанса да се натпреварува во квалификациите за второрангираното натпреварување во Европа.

Реклама
Реклама
Реклама

Популарни