РФМ го потврди терминот за Супер купот, Еурофарм и Алкалоид ќе играат во Гевгелија

Ракометната федерација на Македонија денеска официјално го потврди терминот за одигрување на ракометниот Супер куп во машка конкуренција.

Шампионот Еурофарм Пелистер и освојувачот на Купот, екипата на Алкалоид ќе се борат за уште еден трофеј, а нивното соочување ќе се случи во среда (4. септември) со почеток од 19 часот.

Она што е интересно е што РФМ реши да го организира Супер купот во Гевгелија, па ракометните фанови ќе можат да уживаат во оваа дерби пресметка во салата „26 април“.

РФМ уште отсега потврди дека натпреварот ќе може да се следи и низ директен пренос на МРТВ.