Репрезентативците од Алкалоид на прием кај Мукаетов, добија благодарници за настапот на СП

Членовите на РК Алкалоид кои беа дел од составот на Македонија на Светското првенство во Хрватска, Норвешка и Данска денеска беа на прием кај Живко Мукаетов, генералниот директор/претседател на УО на АЛКАЛОИД АД Скопје.

Мукаетов на средбата им честитал на сите за одличниот настап, професионално однесување и постигнатите резултати и воедно им доделил благодарници, но им посакал уште поголеми успеси во иднина.

Алкалоид на Светското првенство 2025 го претставуваа ракометарите: Марко Кизиќ, Иван Галевски, Иван Џонов, Марко Митев, Игор Ѓоргиев, Мартин Серафимов, Мартин Велковски, Александар Петковски, Никола Маркоски, Валентин Карасманакис и Марко Стојковиќ. Во стручниот штаб на националниот тим беа: селекторот Кирил Лазаров, помошникот Билјана Црвенкоска, кондицискиот тренер Петар Баснарков и физиотерапевтот Тоше Трајковски.