Ренова остана без капитенот: Гафури доживеа тешка повреда

На екипата на Ренова не и оди во досегашниот дел од шампионатот каде по осум кола е на претпоследната позиција на табелата, но тоа не е единствениот проблем за „гипсарите“ кои во наредниот период, наредните месеци ќе мора да се снаоѓаат без капитенот Арџент Гафури.

Гафури се повреди на дуелот со Беласица во Струмица, а деталните медицински прегледи покажаа дека се работи за најлошото, поточно за скинати лигаменти на коленото.

Ова е голем пех, хендикеп за Ренова со оглед на тоа колку важен играч е Арџент кој пак во наредните денови ќе замине на операција по што ќе започне процесот на рехабилитација кој ќе трае со месеци што значи дека тој ќе може да им се врати на обврските дури во 2021 година.