Ренова доби официјален допис: Цел тим оди во задолжителен карантин

Ренова пред два дена соопшти дека неколку првотимци се заразени со вирусот КОВИД – 19 откако направените тестови покажале такви наоди, а ова попладне клубот од Џепчиште информираше дека цел тим и стручен штаб ќе мора да замине во карантин.

Комплеската ситуација ја усложнува ситуацијата во секој поглед, бидејќи Ренова нема да може да ги извршува редовните тренинзи, а фудбалската сезона се доведува во прашање откако препораките на властите налагаат задолжителен карантин.

Поради појавата на неколку случаи, Ренова денеска потврди дека цел тим ќе биде во 14-дневна изолација, откако направениот скрининг покажал дека има голем број директни контакти со заболените.

Клубот кој е со седиште во Тетово го проследи дописот добиен од Санитарниот здравствен инспекторат, во кој се гледа дека до секој поединечно е одредена задложителна изолација во наредните две седмици.

Имињата на заразените фудбалери се уште не се откриени, но оваа ситуација јасно става до знаење дека првенството сигурно нема да продолжи на 14-ти јуни.