Рено го потврди заминувањето на Абитебул

Формула 1 тимот на Рено кој во новата сезона ќе се ребрендира и ќе настапува под името Алпин, денеска го потврди заминувањето на досегашниот тимски шеф Сирил Абитебул.

Францускиот тим веќе го ангажираше поранешниот светски шампион Фернандо Алонсо, кој ќе му биде нов клупски колега на Даниел Рикардо, а Алпин очигледно уште во првата сезона ќе има ново раководство.

Како што веќе најавивме, се очекува најодговорната функција да ја преземе Давиде Бривио, кој интересно доаѓа од Мото ГП, а е познат не само по последната шампионска титула на Сузуки и Жоан Мир, туку и по трофејната соработка со Валентино Роси во Јамаха.

Групацијата Рено која е сопственик на Ф1 тимот засега не објави конкретни имиња поврзани со позициите во идниот тим на Алпин.

Рено последната сезона три пати имаше свој возач на победничкиот подиум и заврши на петтото место во ранкингот на конструкторите.