Ренџерс со лекција за Селтик во „Олд Фирм“ дербито (ВИДЕО)

Екипата на Ренџерс му одржа лекција на Селтик во „Олд Фирм“ дербито во рамките на 21. коло во шампионатот на Шкотска.

Селтик доминира во првенството и во оваа пресметка на „Ајброкс“ влезе со предност од 14 бода во однос на најголемиот ривал, но денеска избраниците на Роџерс беа надиграни во целост и го претрпеа првиот сезонски пораз и тоа со убедливи 3-0.

Ова за менаџерот Филип Клеман е прва победа во дерби пресметките како тренер на Ренџерс, а истата му ја донесоа Хаџи, Пропер и Данило.

Романецот го отвори резултатот во 7 минута, додека во вториот дел Холанѓанецот и Бразилецот ги потврдија трите бода за домашниот тим кој со 39 поени го зазема второто место или поточно има 11 помалку од „келтите“.