Ремек-делото на Јамал добива уште поголема тежина со прикажаното видео од трибината на „Монжуик“

Барселона пристапи фуризоно на натпреварот против Бенфика и одигра меч за својот доктор Карлес Мињарес, три дена по неговата трагична смрт во хотелската соба во тренинг комплексот на каталонците.

Тимот на Ханси Флик не остави ништо на случајноста против Бенфика и по вторпат го совлада португалскиот ривал, а шоуто во првиот дел го украдоа Ламин Јамал и Рафиња.

Бразилецот постигна два гола, но задолжен за магија сепак беше помладиот фудбалер, кој уште еднаш на најголема европска сцена покажа за каков потенцијал станува збор.

Најпрво мајсторски го проигра Рафиња за водство од 1:0, а потоа режираше ремек-дело за ново водство од 2:1.

Јамал со своите движења и техниката која ја прикажа потсети на Лионел Меси, но ударот кој го изведе уште толку добива на тежина и убавина со видеото прикажано од „Монжуик“.

Еден фан од трибините успеал во вистински момент да го сними генијалниот потег на Јамал, па видеото брзо стана вирално во Шпанија.

Este ángulo del gol de Lamine Yamal💀 pic.twitter.com/VkoXaCUYBc

— Álex (@LxoMessismoFCB) March 11, 2025